હર અદા એની—જયન્ત વસોયા
પળ ખૂશીની ક્યાં નકારી છે અમે,
આંસુની ઈજ્જત વધારી છે અમે.
હું ફસાયો છું ભલે મઝધરામાં,
કૈંકની નૌકા ઉગારી છે અમે.
ફૂલ આપે, કંટકો આપે કદી,
હર અદા એની સ્વીકારી છે અમે.
ઉમ્રભર જો સાથ આપો તો કહું,
કેટલી વાતો વિચારી છે અમે.
જાણી બૂઝી એમને જિતાડવા,
બાજી ખુદની પણ સુધારી છે અમે.
શક્ય છે કોઠું કદી દેશે ગઝલ,
જિંદગીને બહુ મઠારી છે અમે.
હું ફસાયો છું ભલે મઝધરામાં,
કૈંકની નૌકા ઉગારી છે અમે.
વાહ ઉસ્તાદ…! આફરીન આફરીન…
By: નટવર મહેતા on 09/23/2009
at 7:30 પી એમ(PM)
જાણી બૂઝી એમને જિતાડવા,
બાજી ખુદની પણ સુધારી છે અમે.
સુંદર શે’ર !
By: razia mirza on 09/29/2009
at 12:23 એ એમ (AM)