Posted by: bazmewafa | 02/19/2015

માથે ગગન હતું —-ટેરેન્સ જાની “સાહેબ”..હમઝબાં મળશે નહીં —~ ટેરેન્સ જાની ‘સાહેબ’

Terence

(ટેરેન્સ જાની ‘સાહેબ’ : જન્મ: ૦૪-૧૦-૧૯૮૭ ~ દેહાંત: ૦૨-૦૨-૨૦૧૫)

માત્ર ૨૭ વર્ષની યુવાન વયે ઉંમરે ગોઝારા માર્ગ અકસ્માતે એક આશાસ્પદ કવિએ આપણી વચ્ચેથી વિદાયા લીધી.‘સાહેબ’ના ઉપનામથી લખતા કવિની રચનાઓમાંથી પસાર થતાં જ સમજી શકાય છે કે શક્યતાઓથી ભરેલ આશાસ્પદ કવિહતા. એક કળી ખીલતાં પહેલાંજ મુર્ઝાય ગઈ.
બઝમેવફા ગ્રુપ તરફથી 2013માં તરહી કલમી મુશાયરાની એક તહરીક ચાલી હતી. 10એક અલગ અલગ મિસ્રા પર ,તેના છંદને સંપૂર્ણ વફાદાર રહી ગઝલ લખવાનાં આમંત્રણમાં શ્રી ચિરગભાઈ ‘ઝાઝી’ના સહકારથી ઘણા કવિ મિત્રોએ ભાગ લીધો હતો.તરહી મુશાયરાની એક વિસરાયા ગયેલી યાદ તાજી કરાઈ હતી.
શ્રીટેરેન્સ જાનીએ પણ બે મિસ્રાઓ પર હાથ અજમાવી આશાસ્પદ ગઝલ નું નજરાણું અર્પણ કર્યું હતું.
પ્રથમ મિસ્રો:કોના વિચારે એમનું હસતું વદન હતું
બેજો મિસ્રો:શોધનારાને કિતાબોમાં ખુદા મળશે નહીં
માણો એમની બે તરહી ગઝલો.

માથે ગગન હતું —-ટેરેન્સ જાની “સાહેબ”

પાણી ભરે જ્યાં ફૂલ પણ એવું બદન હતું
કોના વિચારે એમનું હસતું વદન હતું

જે મેળવી છે દાદ મેં મારા કવન ઉપર
સાચું કહું તો દોસ્ત એ મારું રુદન હતું

કેવા સ્થળે ખોવાયો તો હું આ જગત મહી
ચારે તરફ જ્યાં રણ અને માથે ગગન હતું

બે હોઠ ના મક્તા સુધી તે તો પહોંચી ગ્યું
તારા લીધે જે આંખ થી વહેતું સ્ખલન હતું

દેતો હતો જયારે ખુદા આ જગ ને દોલતો
“સાહેબ” ના હિસ્સા માં ત્યાં કેવળ સુખન હતું

હમઝબાં મળશે નહીં —-ટેરેન્સ જાની “સાહેબ”

આ નગરમાં કોઈને પણ હમઝબાં મળશે નહીં,
શોધનારાને કિતાબોમાં ખુદા મળશે નહીં .

તું જરા ગંભીર થાજે આ મુહબ્બત છે દોસ્ત મુજ ,
માનજે ના કે તને પણ બેવફા મળશે નહીં .

ઓ તબીબો જોર ના કરજો હવે થોભી જજો,
હું વિધી નો માર્યો છું મુજ ને દવા મળશે નહીં !

કે, તમે પણ આવશો એવા કિનારા પર કદી,
જ્યાં ખુદામળશે નહીં ને નાખુદા મળશે નહીં ,

કર્મ સારા હોય તો સારું થશે એવું નથી,
ખાતરી છે એટલી કે બદદુઆ મળશે નહીં.

તું જ સામે છું કહેવા દે મને એક બે ગઝલ,
ઉમ્રભર ‘સાહેબ “ને આવી સભા મળશે નહીં


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Categories

%d bloggers like this: