કબર નીકળે_મુહમ્મદઅલી વફા

કબર નીકળે_મુહમ્મદઅલી વફા

નજરમાંથી તીખી નજર નીકળે.
જરા મીંચો આંખો ખબર નીકળે.

ગયા જામી ધુમ્મસ ઘણી યાદના
સૂરજને જો કાપો નગર નીકળે.

કદી શબ્દો ની ટોળકી માં સર્યો,
જરા જો ચીરો મૌન અધર નીકળે.

કદી માંગો એકે ઝલક ના મળે,
કદી એ તો કારણ વગર નીકળે.

વધેરી જુઓ રાતની આંખને
પછી લોહી વહેતી સહર નીકળે.

જખમની આ પટ્ટી ને ખોલો કદી
સળગતું ભડકતું શહર નીકળે.

હૃદયને જો ચીરો તો મળશે’વફા’
ધરા ને જો ખોડો કબર નીકળે..