લોહીનું પાણી થઈ ગયું આદિલ
તો યે તે આંખથી દડ્યુંજ નહીં
આખ્ખું નગર તૂટી પડ્યું—–આદિલ મન્સૂરી
જે હતું અણનમ અફર તૂટી પડ્યું
એક પર્વતનું શિખર તૂટી પડ્યું
કોઈની લાગી નજર તૂટી પડ્યું
જોત જોતામાં તો ઘર તૂટી પડ્યું
એક એવો આંચકો આવ્યો પછી
આખ્ખું ને આખ્ખું નગર તૂટી પડ્યું
જોત જોતામાં તો ભીંજાઈ ગયા
એક વાદળ તરબતર તૂટી પડ્યું
એમ ચિંતામગ્ન બેઠાં છે બધા
જાણે નભ માથા ઉપર તૂટી પડ્યું
પ્લેન પૃથ્વીથી જરા અધ્ધર થયું
કોઈ પણ કારણ વગર તૂટી પડ્યું
(સૌજન્ય:ગઝલનાં આયના ઘરમાંપૃ.132)
Like this:
One blogger likes this post.
આપના પ્રતિભાવ