પ્રતીક્ષા ક્યાં સુધી કરશે?—– …ચિરાગ ઝા “ઝાઝી”
સમય મારી હયાતી ની ઉપેક્ષા ક્યાં સુધી કરશે?
સતત નો ખેલ સંયમ ની સમીક્ષા ક્યાં સુધી કરશે?
મને મળતા રહે છે અવનવા અનુભવ સબંધોના
ક્ષણો સરભર પ્રસંગો ની નિરીક્ષા ક્યાં સુધી કરશે?
પહેરેલા જલાવીદે બધા “પણ” “પણ” તણા અચકન
કફન દોરા સિલાઈ ની અપેક્ષા ક્યાં સુધી કરશે?
અલગતા આપણી સાબિત કરવા બોલવું પડશે
જમાનો મૌનના વળ ની પ્રતીક્ષા ક્યાં સુધી કરશે?
સમય તારો નથી તારો પરાણે થઈ નથી શકતો
સમાંતર ચાલવાની તું પરીક્ષા ક્યાં સુધી કરશે?….
છંદ : લગાગાગા લગાગાગા લગાગાગા લગાગાગા
હજઝ, (મફાઈલૂન,મફાઈલૂન,મફાઈલૂન,મફાઈલૂન)
મંગળવાર, 06 ડિસેમ્બર 2011
Like this:
2 bloggers like this post.
સરસ ગઝલ.
By: પંચમ શુક્લ on 12/24/2011
at 8:15 AM
આજના મંગલ પ્રભાતે આપને તથા આપના કુટુંબીજનોને
૨૦૧૨ ના મંગલ નુતન વર્ષની શુભ કામના
આવ્યો છે આજ અવસરીયો રૂડો આનંદોને ઉલ્હાસોને
બે હજાર બારનાં વધામણાં કરી (૨) નવા વરસને વધાવો ને… આવ્યો.
સ્વપ્ન જેસરવાકર ( પરાર્થે સમર્પણ)
By: પરાર્થે સમર્પણ on 12/31/2011
at 5:56 PM