Share this:

ત્યાગી જશે-કિસન સોસા

 

થાકશે કંટાળશે ભાગી જશે,

ધંધે રાબેતા મુજબ લાગી જશે.

 

તાવ  સૌ ઊતરી જશે અંગઅંગથી,

સુખિયો જીવ ખોળિયે જાગી જશે.

 

ઝાંઝવામાં ઊભરો આવે શમે,

જળ વગરના તળ તરસ તાગી જશે.

 

સૂર્ય ઢળતા રહી જશે ભૂખી ભૂમિ,

મૃગજળી મુહીમ સમર ત્યાગી જશે.

 

માવઠું લાવાને કરશે રાખ જો,

કોઈ જો જવાળામુખી દાગી જશે.

 

છે હકીકત યાદ નવ નિર્માણની,

ગોફણેથી પ્હાણશી વાગી જશે.

 

દર્પણે ચકલીઓ મારે ચાંચ  તે,

થાકશે કંટાળશે ભાગી જશે.