હૃદયની ઓથમાં—નાઝિર દેખૈયા
છે યુવાની બાળપણની ઓથમાં,
ને બુઢાપો છે ઉભયની ઓથમાં.
જિંદગી ! કોની તને છે ઝંખના?
જાય છે ચાલી સમયની ઓથમાં.
ક્યાં ખબર તુજને પ્રકાશિત ઓ શમાં !
છે તિમિર તારા હૃદયની ઓથમાં.
થાય છે સર્જન નવી દુનિયા તણું,
એક દુનિયા છે પ્રલયની ઓથમાં.
કાળ ! તારું છે જીવન મારા થકી,
અસ્ત જીવે છે ઉદયની ઓથમાં.
ચેતતા રે’જો તમે નાઝિર ! સદા,
આગ છૂપી છે પ્રણયની ઓથમાં.
( સૌજન્ય :નાઝિરની ગઝલો પૃ.61)
Like this:
2 bloggers like this post.
બહોત..બહોત..બહોત..હી અચ્છા..મુઝે આપકી ગઝલ પસંદ પહલે સેહી થી જબ એક ઓડીયો કસેટમેં ગઝલ સુની થી…
By: Patel Usha on 09/30/2011
at 2:58 AM