I think we are in rat’s alley

કડવાદૌના—ડૉ.અદમ ટંકારવી

 

Where the dead man lost their bones

      T S Eliot

 

નિર્દોષ બાળકને મારી કાપી

મડદું કૂવામાં નાંખ્યું

ડબૂક ડબૂક

સૂનસન્નાટો

 

અધરાતે રણશિંગડું વાગે

સૂતાં પાણી જાગે

બળબળતો એક તારો ખરે

પાણી હલબલે

મૂકે પોક

ઝબકી જાગે લોક

થોકે થોક

ઊંડા કૂવામાં ઝાંખે

ડોલમાં ખેંચી પાણી ચાખે

થૂ થૂ કાળોકેર

કૂવાનાં પાણી કડવાં ઝેર

 

ગામના ઊંડા કૂવા2

કૂવાનાં કડવા પાણી

 

1-પછી ત્રીજા દૂતે વગાડ્યું.એટલે દીવાના જેવો એક મોટો તારો આકાશમાંથી નદીઓના ત્રીજા ભાગ પર તથા પાણીના ઝરાઓ પર પડ્યો. તો તરત તારાનું નામ કડવાદૌના છે૱અને તેથી પાણીનો ત્રીજો ભાગ  કડવાદૌના રૂપ થયો; અને તે પાણી કડવા થયા. 

2-ઓડ ગામનાં ઊંડા  કૂવામાં  કહેવાય છે: 2002ના રમખાણોમાં આ ગામે હત્યાઓ કરી મૃતદેહો કૂવામાં નાંખેલા. 

 (સૌજન્ય:ઓથાર 2002 પૃ.45)