ઈંતેઝાર સાહિબા–મુહમ્મદઅલી વફા
આટલો તો હોય ઈંતેઝાર સાહિબા
કેટલો કરવો હતો કંઇ પ્યાર સાહિબા.
આ અષાઢી મેહુલો અગ્નિ ભરી ગયો
કેમ ઝીલવો આ શ્રવણનો ભાર સાહિબા.
પ્રેમના તમ ખોરડે જીવન વીતી ગયું
છે ધરા પર કયાં કોઈ ઘરબાર સાહિબા.
આપણો મેળો હતો બસ ચાર આંખનો
આપણે ભરવો ય કયાં દરબાર સાહિબા.
હીમ જો પીગળી રહ્યું ગરમાળી ઋતમાં,
આ વસંતે છેદશે દિલ ખાર સાહિબા.
હુ હવે કોકિલ ને કયાં ટહૂકતી રોકું
જાય ચુભતી આંબવાની ડાળ સહિબા.
ના ગમે આ આરસી માં મુખને જોવું
વિરહનો કર્યો હવે શૃંગાર સાહિબા.
તુજ’વફા’પર એમતો વિસ્વાસ છે પ્રિયે
રોજ તૂટે આયખાનો તાર સાહિબા.
( કોને મળું?પૃ. 46)
.
Like this:
2 bloggers like this post.
આ અષાઢી મેહુલો અગ્નિ ભરી ગયો
કેમ ઝીલવો આ શ્રવણનો ભાર સાહિબા
આપણો મેળો હતો બસ ચાર આંખનો
આપણે ભરવો ય કયાં દરબાર સાહિબા.
હુ હવે કોકિલ ને કયાં ટહૂકતી રોકું
જાય ચુભતી આંબવાની ડાળ સહિબા
એમ થાય કે બધાં શે’ર ટાંકી લૌ..બધાં શે’ર સુપર્બ..છે.. ફરી ફરી વાંચી..આપનો રદિફ ચોરવાનું મન થાય છે…આપને મારી બુક મળિ?
સપના
By: sapana on 03/24/2011
at 9:28 AM
અસ્સલામોઅલયકુમ
આપનાં હૃદયંગમ પ્રતિભાવ બદર આભાર.
આ રદીફ પર જરૂર તઝમીન કરો.અને આજ કાફિયાઓ ઉપયોગવા હોય તો પણ વાંધો નહિ. અ ગઝલનું બંધારણ નીચે મુજબ છે.
(ગાલગાગા, ગાલગાગા,ગાલગાગા,)
આપનું પુસ્તક મળી ચુક્યું છે.મેં આભાર દર્શક મેલ કરેલી. બઝમે વફામાં એની નોંધ નીચેનાURLપર લેવાય છે
મુહમ્મદઅલી વફા
http://bazmewafa.wordpress.com/2011/01/13/sabharsweekar_bazm/
By: bazmewafa on 03/24/2011
at 1:57 PM