ગોઠવી દીધો મને—અરવિંદ ભટ્ટ
તેં મને શોધી બધામા ગોઠવી દીધો મને,
લાભશૂભ જેવી જગામાં ગોઠવી દીધો મને.
બાગનો ખૂણો હતો હું ઝાડનો છાંયો હતો,
ને હવે આ બાંકડામાં ગોઠવી દીધો મને.
બર્ફના ગોળાની વચ્ચે ગોઠવી દીધી સળી,
ચૂસવા સુધી મજામાં ગોઠવી દીધો મને.
જોઈ લો ઊતર્યો હવાનો અર્થ હાડોહાડમાં,
હાડકાંના માળખામાં ગોઠવી દીધો મને.
સાત ફેરા લગ હું મંગળ દીવડાશો ઝગમગ્યો,
ને ઠર્યો તો માળિયામાં ગોઠવી દીધો મને.
Like this:
One blogger likes this post.
nice ,
By: praheladprajapati on 01/31/2011
at 7:53 PM