દિગ્વિજયનો યદિ અંજામ છે ખાલી હાથો,

તેગ ફેંકી દો સિકંદરને રવાડે ન ચડો.

                               -શૂન્ય

 

એ રંગ નથી એ જામ નથી—શૂન્ય પાલનપુરી

 

એ પ્રેમની ઇજ્જત કોડી, છે જે પ્રેમ જગે બદનામ નથી,

ઊઠ ચાલ, દિવાના !બુધ્ધિ હો ત્યાં આપણું કોઈ કામ નથી.

 

અફસોસ! પરિવર્તન ! તારી આ છેદ મદિરા –ભક્તોથી,

મસ્તીની દશામાં જોયા2તા એ રંગ નથી એ જામ નથી.

 

દુનિયાનો ભરોસો કરનારા ! છે ધન્ય આ તારી દ્રષ્ટિને,

મૃગજળથી તમન્ના પાણીની કૈં જેવું તેવું કામ નથી.

 

રહેવાદો વિચારોમાં એને આપો ના તસ્દી નજરોને,

એ સૂક્ષમ જગતના વાસીનું ,આ સ્થૂળ જગતમાં કામ નથી.

 

એક હજીયે રાખું છું,મતલબ કે ખરેખર શૂન્યજ છું,

એ નામ અભાગી છે મારું જે નામનો શુભ અંજમ નથી.