Share this:

<

શબનમ સુધી આવો—નાઝિર દેખૈયા

 

તમે ગમગીન થઈ જાશો, ન મારા ગમ સુધી આવો,

ભલા થઈ ના તમે આ જેવનના જોખમ સુધી આવો.

 

તો આપો આપ બદલાઈ જશે રંગત જમાનાની,

જરા પડદો ખસેડીની તમે આલમ સુધી આવો.

 

ભલે ઝાકળ સમી છે જિંદગી પણ લીન થઈ જાશું,

સૂરજ કેરાં કિરણ થઈને જરા શબનમ સુધી આવો.

 

તમે પોતેજ અણધારી મૂકી’તી દોટ કાંટા પર,

કહ્યું’તું ક્યાં તમોને ફૂલની ફોરમ સુધી આવો.

 

લગારે ફેર ના પડશે અમારી પ્રીતમાં જો જો,

ગમે ત્યારે ,ગમે ત્યાં જિંદગીના દમ સુધી આવો.

 

નિછાવર થઈ ગયા છે જે તમારી જાત પર ‘નાઝિર’

હવે કુરબાન થવા કાજ એ આદમ સુધી આવો.

  

(નાઝિરની ગઝલો-69)