—બેફામ

 

દિવસ ઉગ્યા પછી ક્યાં હોઈશ એ તો ખુદા જાણે

કે અત્યરે તો ફકત મારો આ રાત વાસો છે

 

અસર લૂનીજ હોવાની—બરકત વીરાણી’બેફામ’

  

ઉનાળાના દિવસોની તો હવા ઊની જ હોવાની,

કે રણ તો શું ? ચમનમાં પણ અસર લૂની જ હોવાની.

 

મહોબ્બતના અનુભવને અસર જૂનીજ હોવાની,

ભે ગઈકાલની હો ,તોયે કેદુની જ હોવાની

 

મહોબ્બ્બતને ગુનો માનો કે નમાનો, મન શું છે?

કે મારી તો રસમ ને રીત કાનૂનીજ હોવાની.

 

હૃદય વાળા નહીં તો આમ નિષ્ફળ થાય ન અહીંયા,

મને લાગે છે કે આ દુનિયા હૃદય સૂનીજ હોવાની.

 

કોઈ મારે છે પોતાને, કોઈ મારે છે બીજાને,

સ્વભાવે તો બધી વ્યક્તિઓ ખૂનીજ હોવાની.

 

તમારા ઘરમાં રસ લેનાર સૌ સરખા નથી હોતા,

કે દ્રષ્ટિ કોઈની તો જાણભેદુજ હોવાની.

 

મરણ બોલાવવા આવે છતાં જાઉં ન ‘બેફામ’

કવિ છું હું, કવિની પ્રકૃતિ ધૂની જ હોવાની