ઉઠાવો કોઈ જનાઝો જવાન પ્યાસ તણો !

કે મીટ માંડી નથી જાતી ભગ્ન જામ તરફ .

                    —–અમૃતઘાયલ

 

પિંજરને પાંખ ક્યાં છે?—મનોહર ત્રિવેદી

 

એકી તસે નીરખ તું એ બારસાખ ક્યાં છે?

તમને કદાચ મલશે એ આંખ,આંખ  ક્યાં છે?

 

વિસ્તીર્ણ આભ દેખી  તું નાખ ના નિસાસા,

પંખી, તને ખબર છે, પિંજરને પાંખ ક્યાં છે?

 

ઇચ્છા ફિનિકસ પેઠી થાશે નહીં સજીવન,

ઊડી જતી હવામાં પોતાની રાખ ક્યાં છે?

 

તારા અભાવમાં હું મળતો રહ્યો નદીને,

બીજે કહે તું આવા નમણા વળાંક ક્યાં છે?

 

આવેલ કહેણ પાછું વાળીશ હું ‘મનોહર’

પૂછીશ ખેપિયાને સાહિબની સાખ ક્યાં છે?