આ તરફ બાગ તે તરફ રણ છે

હડસન નદીની માછણ—ડૉ.અદમ ટંકારવી

એ તો આ પણ છે અને તે પણ છે

 

આમ મન ડોલે કે તન ડોલે, પણ

સાવ ડૉલરિયું એનું સગપણ છે

 

જોઈ નજદીકથી એનાં મસ્તક

એમ શંકા પડે કે રાવણ છે

 

ખુલ્લી આંખે કશું દેખાય નહીં

આ મુલ્કનું ય કેવું કામણ છે

 

આમ છે એ જ સમસ્યાનો ઉકેલ

ને સમસ્યાનું એ જ કારણ છે

 

આમ બંદૂકથી રમાય નહિ

એને ક્યાં એટલી સમજણ છે

 

તું ય લખ લખ કરે છે એની ગઝલ

આ અમેરિકા એક વળગણ છે

 

એને છેડીશ તો ગાળ દેશે, અદમ

એ ય હડસન નદીની માછણ છે

 

(ન્યુ યૉર્ક, 16-8-1999)