જાય જો એના ગામ વણઝારા,

કહેજે મારા સલામ —ડો.રશીદ મીર

કહેજે મારા સલામ વણઝારા.

 

આપણે ક્યાં ફરીથી મળવાના,

હોય ના નામ ઠામ  વણઝારા

 

પોઠ યાદોની લોહી ઝાણ ભરી,

સંચરે ગામ ગામ વણઝારા.

 

છૂંદણા કઈ ઘડીએ ત્રોફાવ્યાં?

બોલ કૈં નેક નામ વણઝારા.

 

દેશ કેવો ને કેવા દેશાવર?

હોય છે રમતા રામ વણઝારા.

 

શ્વાસ કોઈના દેહ કોઈનો,

આપણે તો ગુલામ વણઝારા.

 

પારકી સલ્તનતનું પાદર છે,

ને કર્યો છે મુકામ વણઝારા.

 

‘મીર’આવી ગયો પડાવ અસલ,

લે,હવે રામ રામ વણઝારા.