થોડા શેરો—મુકુલ ચોકસી

1

આ ઠુંઠું વૃક્ષ એ આશામાં દિન વિતાવી શકે

પરણવા જેવી મોસમનું માંગુ આવી શકે

2

સાંજ ટાણે   તું લીલુંછમ મૌન રહેતો હોય છે

તો ય બબ્બે ગામનું વેરાન સહેતો હોય છે

3

મળે એને તમારું ઘર સમી સાંજે, અને તમને

મરેલી હાથણીની સૂંઢમાં ખાલી કળશ મળશે

4

પૂછ્યું મેં કોણ છે?ઉત્તર મળ્યો યાયાતિ છે

ને બહાર જોઉં તો આખી મનુષ્ય જાતિ છે

5

ઊગવામાં જેને કંઈ પણ આનંદ હોતો નથી

તૂટવાનો ભય કદી હોતો નથી એ ઘાસને