અલ્લાહો અકબર- ઓમ્ મહા(અલ્લાહજ ફકત મહાન છે)—મુહમ્મદઅલી વફા

 

આજ રોજ વાર મંગળ ને  7 જુલાઈ2009 ના રોજ  “બઝમે વફા” ટોરંટો,કેનેડા. બઝમેવફા ના પ્રિય વાંચકો,લેખકો,કવિઓ,અભિપ્રાયથી નવાજનારાઓ,મિત્રો,વડીલો ,મુરબ્બીઓને આનંદ સહિત સલામ ,આદાબ અર્જ..

 27 ફેબ્રુઆરી 2006ના રોજથી બઝમે વફા એ બ્લોગપોસ્ટ દ્વારા આરંભ કરેલી ગુજરાતી સાહિત્યની સફર,સમય જતાં વર્ડપ્રેસ બ્લોગ.કોમ માં રૂપાંતરિત થઈ. આ ત્રણ વર્ષને ચાર મહિના જેટલા સમયનું અંતર કાપ્યા પછી  “બઝમે વફા” નો 1000મી પોસ્ટ મકામે મહમૂદ થી કંડારાય છે.   1000પોસ્ટ  કંડારવા માટે 185 જેટલા લેખક ,કવિ  સમૂહનો સહકાર સાંપડ્યો છે.તે બદલ બઝમ એમનું ઘણું આભારી છે. 1000 પોસ્ટમાં 642 જેટલા કાવ્યો(ગઝલો,હઝલો,મુકતકો,નઝમ,અછાંદસો વિ.)અને 20 જેટલી ટુંકી વાર્તાઓ,પરિચયો,માહિતી લેખો,હાસ્ય લેખો,સમાચારો,મુશાયરા અહેવાલો, ગઝલના છંદ શાસ્ત્ર પર આધારિત સાહિત્યિક લેખો,પ્રશસ્તિ કવ્યો,શોક કાવ્યો,વિદેશી ભાષાના કવિઓની અંગ્રેજીમાં અનુદિત થયેલી રચનાનો ગુજરાતીમાં અછાંદસ અનુવાદ,ઉર્દૂ,ફારસી કાવ્યોનો ગુજરાતી અનુવાદ ,આધ્યાત્મિક લેખો વિ.સમાવિષ્ટ છે.

બાગે વફા(અંગત કવિતાનો બ્લોગ)અને બઝમે વફા (ગુજરાતી ડાઇજેસ્ટ) શરૂ કર્યા ત્યારે બઝમે વફા માટે સામગ્રી એકઠી કરવાનો પ્રશ્ન હતો. ભારતથી હજારો માઈલ દૂર રહી ભારતીય ભાષાની સામગ્રી શોધવી એ કોયડો હતો.અહીંની લાઇબ્રેરીમાં પણ ઇચ્છિત પુસ્તકો પ્રાપ્ય ન હતા.ત્યારે મને મારી અંગત લાઇબ્રેરી  જે 45  જેટલા વષોર્થી ભેગા કરેલા પુસ્તકો સામાયિકો મદદે આવ્યા.મુરબ્બી શ્રી જય ગજ્જરે પોતાની વાર્તાઓથી નવાઝતા રહ્યા.મર્હૂમ આદિલ મનસૂરી સાહેબી પોતાના ગુજરાતી ઉર્દૂ કાવ્ય સંગ્રહો અર્પણ કર્યા.બધા બ્લોગોના ડઝન જેટલા જુદી જુદી ડીઝાઈનના આવરણો ભેટ ધર્યા.અને નવી નક્કોર ગઝલો બઝમે વફાને અર્પણ કરી.ડો.અદમ ટંકારવી,પ્રો.મહેક ટંકારવી,ભાઇ જનાબ અહમદ ગુલ,જ.બેદાર લાજપુરી,જિદ્દી લુવારવી,રાઝ નવસારવી અને ખસુસી તોર પર વારંવાર ભેટ મળતા રહેલા જનાબ દીપક બારડોલીકર સાહેબના કાવ્ય સંગ્રહો,સંપાદનો અને છેલ્લે એમનુ કુલિયાત- કુલિયાતે દીપક ઘણુંજ ઉપયોગી નીવડયું.

આ બધા પ્રયાસો પાછળ મારા ભષાના શિક્ષકોએ આપેલો ભાષા પ્રેમ અને મહા ગુજરાત ગઝલ મંડળના સુત્રધારોએ 40-45 વર્ષ પહેલાં આપેલી છંદ ,કાવ્યની સમજ અને પ્રેમ ,હિમ્મત કામ આવ્યા. એ મુરબ્બીઓમાં મર્હૂમ જનાબ મસત હબીબ સારોદી સાહેબ,મર્હૂમ જનાબ આઈ.ડી.બેકાર સાહેબ,મર્હૂમ શેખ ચલ્લી સાહેબ,આચાર્ય મસ્ત મંગેરા સાહેબ અને શ્રી ભગવતીકુમાર શર્મા,શ્રી રતિલાલ અનિલ,શ્રી અકબર અલી જશદણ વાળા એ વર્ષો પહેલાં જે ઉત્તેજન,હિમ્મત અને પ્રેમ આપેલો ,એ વર્ષો પછી આ બધું કામ કરવામાં મદદરૂપ થયું.

 અને છેલ્લે શ્રી નિર્મીશ ઠાકર અને પ્રોફેસર મહેબૂબ દેસાઈનો આભાર ન માનું તો નગુણો કહેવાઉં. શ્રી નિર્મીશ ઠાકરે(નિમ્મેસભૈ) જ.આદિલ મંન્સૂરી અને નાઝિર દેખૈયાને ગઝ્લોની પ્રતિ ગઝલો અને કોણ માનશે? રદીફ પર લખેલી હુરટી અને ગુજરાતી ગઝલો,મર્હૂમ જ.આસિમ રાંદેરીનું કેરી કેચર બઝમે વફાને અર્પણ કરવા બદલઅને ડૉ.મહેબૂબ દેસાઈ સાહેબોનો એમના”રાહે રોશન”લેખો બઝમે વફા માં પ્રકાશનની પરવાનગી અને બઝમે વફાના ઉત્તેજન બદલ શુક્રિયહ.

ડૉ.ડી.ઓ.શાહ,શ્રી સુરેશ જાની , શ્રી જુગલ કિશોર વ્યાસ અને  રઝિયા મિર્ઝા સાહબાનો પણ હું મારા બ્લોગ સાહિત્યમાં રસ લેવા બદલ આભારી છું

મારો કાવ્ય સંગ્રહ કોને મળું?(જે પ્રેસમાં છે )આશા છે ઘણા ટૂંક સમયમાં આપના કળ કમળમાં પહોંચશે.લેસ્ટર.યુ.કે.ના કવિ મિત્ર ભાઈ શ્રી દિલીપ ગજ્જરે કોને મળું?નું ટાઈટલ પેજ ની સુંદર ડીઝાઈન કરી આપી તે બદલ અને બઝમે વફાના હિતેચ્છુ થવા બદલ ઋણિ અને આભારી છું

 આભાર દર્શનમાં જે મિત્રો મુરબ્બીનાં નામો રહી ગયા હોય તે માટે દિલગીર છું

બઝમે વફા ની 1001મી પોસ્ટથી લેખક મિત્રો,કવિ બંધુઓનો આવોજ પ્રેમાળ સહાકર મળી રહે એવી આશા સહિત.

 આપનો

 સહ્ર્દયી

મુહમ્મદઅલી વફા