સદભાગ્ય મારું—-દીપક બારડોલીકર

 

ખ્યાલે વસી છે કામળી કાળી રસૂલની

સદભાગ્ય મારૂં, થાય છે ઝાંખી રસૂલની

 

ગુંજે ખુદાના નામની સાથે નબીનું નામ

સૃષ્ટિમાં બે મિસાલ છે  શાહી રસૂલની

 

હૈયે ધરી એ ધર્મના જ્યોતિર્ધેરો થયા

એવી પ્રકાશવાન છે વાણી રસૂલની

 

મુક્તિની કોને ઝંખના,કે મુક્તિ કુફ્ર છે

કરવી ગમે છે અમને ગુલામી રસૂલની

 

દીપક હવે આ કેફ કદી ઊતરે નહીં

અમને મળી છે દીવ્ય સુરાહી રસૂલની

(રસૂલ=વિશ્વના અંતિમ નબી હજરત મુહમ્મદ સલ. સાહેબ)

 

(સિરાતે હરમ-39 ..નાત)