બની ગઈ નીંદરો વેરી, વ્યથાઓ રૂબરૂ થઈ ગઈ

  

વ્યથાઓ રૂબરૂ થઈ ગઈ-મુસાફિર પાલનપૂરી

 

મળી નજરોને જાણે દર્દની મોસમ શરૂ થઈ ગઈ

  

ન ઈચ્છાના વિહારો છે ,ન મરજીના વિસામા છે

હતી જે પ્રીતની વેલી તે વિકસીને તરૂ થઈ ગઈ

  

મને સંસારની કેડીજ લઈ ગઈ સ્વર્ગના દ્વારે

કથિર માની હતી જેને એ સોનાનો ચરૂ થઈ ગઈ

  

સમય ફરતાંજ વૈરી  થઈ ગયા સૌ પ્રાણ પ્યારાઓ

ગુલાબોની હતી કળિયો એ જાણે ગોખરૂ થઈ ગઈ

  

હજું તો આ કલાપંથે ખરેખર મારું પગરણ છે

બળતરા કેમ હમણાથી હરીફોમાં શરુ થઈ ગઈ

 

કવિતાએ ‘મુસાફિર’ નામ જીવનનું દીપાવ્યું છે

ગણી’તી વેદના જેને અમારી આબરૂ થઈ ગઈ