ગઝલ*ઈલાહી ગવાહ છે—અમૃત ઘાયલ

ઈલાહી ગવાહ છે—અમૃત ઘાયલ

 

જવાળા છે વડવાનલ છે જબરદ્સ્ત દાહ છે

આ દાહનુંજ દોસ્ત ખરું નામ ચાહ છે

 

હોવા છતાં પનાહ, બધા બે પનાહ છે

આ આપણી હયાતી અજબ સેરગાહ છે

 

વર્ષોથી જેની ખોજમાં વિહવળ નિગાહ છે

કહે છે કે આ શહેરમાં એક કજકુલાહ છે

 

જુલ્ફો સિયાહ જાણે કે એક રાત મેઘલી

આંખો ગઝલી એમની ખ્વાબ ગાહ છે

 

હરકત દીમાગી કર નહીં પઢ રૂહથી નમાઝ

એ શેખ, આ મસીદ નથી ખાનકાહ છે

 

ચમક્યું નથી કદાપિ ચમકશે નહીં કદાચ

મારું નસીબ યાને મુકદ્દર સિયાહ છે

 

ખેંચી ગાઈ’તી મુજને તરસ મયકદે ધરાર

’ઘાયલ’ ખરું કહું છું ઈલાહી ગવાહ છે

 

કજકુલાહ= બાંકી અદા

ખાનકાહ=આશ્રમ

સિયાહ=શ્યામ

ગવાહ=સાક્ષી

ઈલાહી=અલ્લાહ