પડયાં ગાબડા ને કથળતી દીવાલો

રઝળતી દીવાલો—મનોજ ખંડેરિયા

 

ગુફામાં હએ પાછી વળતી દીવાલો

 

તરડ બારણામાં ઝીણી હોય તો પણ

કો’દી ત્યાંતી ભાગી નીકળતી દીવાલો

 

દિવસ ભર રહે ઊભી લઈ ઘરનો ટેકો

અને કયાંય રાતે રઝળતી દીવાલો

 

ઝીણાં છિદ્રથી આવે ચાંદરણા ફીકાં

શિશુ જેમ એને ચગળતી દીવાલો

 

સમયની તીણી સાંગ પથ્થરને ચીરે

ચીસો પાડે લોહી નીકળતી દીવાલો

 

હવે ક્યાંક ખુલ્લામાં રહેવાને ચાલો

અહીં ચોતરફછે ઊકળતી દીવાલો

(અચાનક)