પથ્થરની કથા પૂરી થઈ—ઊર્વીશ વસાવડા
કાચ તૂટ્યો એક પથ્થરની કથા પૂરી થઈ.
શબ્દ પ્રગટ્યો એક અક્ષરની કથા પૂરી થઈ.
ટોડલે બાંધેલ તોરણને પણ ખબર ના પડી,
કેમ ? કયારે? એક અવસરની કથા પૂરી થઈ.
એક ફળ સાથેજ થઈ આરંભ માનવની કથા,
એ ક્ષણે, ત્યારેજ ઈશ્વરની કથા પૂરી થઈ.
એમણે આવી, સહજ આંસુ લુછ્યું મારું પછી,
કૈંક પીડા, કૈંક કળતરની કથા પૂરી થઈ.
શ્વાસની સાથે વણાઈ છે જીવનની હર પીડા
શ્વાસની સાથેજ જીવનની કથા પૂરી થઈ.
આપના પ્રતિભાવ