સાંભરે –જયંત પાઠક

આ સ્વચ્છ નગરના રસ્તા ઉપર

-તૃણ નહીં જયાં,ડામર ડામર-

ગાય ભાંભરે-

મને સાંભળે મારા ઘરની કોઢ

દૂધની સોડમ માંની સોડમ

તાંસળી તગતગતી તરબોળ,

ફીણ ફોદાળી દાંત વગરની દાદાની આંગળીઓ

ખીલે ખીલે ખણતી ખણતી સોનાની સાંકળીઓ !

હજી બોલવાં શીખતું પેલું

વાછળડું તે કાલું કાલું રોવે

ઘર વચ્ચે ગોપી ને કરસન મોંઘાં મહી વલોવે

સૂરજિયું માખણ ખાતો

           શો વગડો લચ લચ બોલે ! 

વડલા હેઠી કોઈ વગાડે વ્હાલપની વાંસળીઓ

આઘેના આ ભીના વગડે

સવારના દુધિયા તડકાને ચરતી

ગાય ભાંભરે

મને સાંભરે….