અસુખની ક્ષણો–જયંત પાઠક

પરસેવા જેવી પીળી પીળી બપોર

મારા શરીરે એવી તો  ચોંટીજાય છે-

કૂતરાની જીભમાંથી ટપકતી લાળ

મારા મોંમા એવો તો સ્વાદ મૂકી જાય છે

ઓશીકાનાં ગલેફમાં ગૂંથેલું

LOVE ME નું તીર

મારી આંખોમાં એવું તો વાગે છે-

ક્ષ્ણોની કીડીઓ

શરીરે આવી એવી તો ચટકા ભરે છે–

તડકાના દરિયામાં ફુગાઈને

મારું શબ એવું તો ફૂલી જાય છે

ને છતાં ઓગળી જતી આંગળીઓને

સાવ જજરી ગયેલા

આ એકના એક વસ્ત્ર સીવ્યા કરવાનું

                          મારે જીવ્યા કરવાનુ.