ગઝલ લખજો—મનહર મોદી

હજારો વર્ષમાં પહેલી વખત જે કંઈ બને બનજો

બધાની આંખ ઉઘડે એટલે મારી ગરજ પડજો

 

 

અહીં સુક્કું અને લુખ્ખું અને ટુકડે જિવાયું છે

હવે એ સર્વને ભેગું જીવું એવી ક્ષણો મળજો

 

 

ઝરૂખો બારીઓ આકાશ ને એવું ઘણું જોયું

તમે કેવળ અને એક જ રહો એ દ્રશ્ય વિસ્તરજો

 

 

સૂરજ ઊગે તો અજવાળું અને ડૂબેતો અંધારું

એ સમજું છું ને અંદર છું એ જ્સ્ણો તો મને હસજો

 

 

મને માફક છે મારો દોષ ને તેથી સલામત છું

કહેવી હોય એની વાત તો સુંદર ગઝલ લખજો.