અંધાધૂંધીનો જન્મ દિવસ ***નિર્મીશ ઠાકર

 

 

 

 

અંધાધૂંધીનો જન્મ દિવસ ***નિર્મીશ ઠાકર

 

 

જ્યારે ડખલની જગમાં શરૂઆત થઈ હશે

ત્યારે હઝલની પ્રથમ રજૂઆત થઈ હશે

 

 

ભાગી છૂટ્યો પવન ને રોતી રહી મહેક

રસ્તામાં તારી સાથે મૂલકાત થઈ હશે

 

 

કોઇ રતાંધળો તો ઘણું આઠડ્યો હશે

ઝૂલ્ફો ઢળી હશે અને રાત થઈ હશે

 

 

વ્યાપી ગઇ છે સ્તબ્ધતા,દર્પણ અવાક છે

તારાજ રૂપ રંગ વિષે વાત થઇ હશે

 

 

અંધાધૂંધીનો જન્મદિવસ એ જ છે અહો!

દુનિયાની જે દિવસથી શરૂઆત થઇ હશે.

 

(પ્રતિ કાવ્ય: શ્રી આદિલ મન્સૂરીની ગઝલ પરથી)