રૂબાઈયાતે ‘મરીઝ’

 

રૂબાઈયાતે ‘મરીઝ’

1

થયું મોડું છતાંયે કામ થયું

સૌના મોઢામાં રામ રામ થયું

સઘળા સદગત મને કહેછે મરીઝ

ચાલો મૃત્યુ પછી તો નામ થયું.

2

આ દુનિયાના લોકો આ દુનિયાની રીત

કદી સાચા માણસને ફાવે નહિ

જીવો તો કરે દાટવાનીજ વાત

મરો તો દફન કરવા આવે નહિ.

3

દુ:ખ દરદની તદબીર દિલાસા ન થયા

નિષ્પ્રાણ પ્રયાસો કદી ઈચ્છા ન થયા.

વધતો નથી આભાસ હકીકતથી કદી

સ્વપ્નાઓ કદી નીંદથી લાંબા ન થયા.

4

તકદીરના તાબામાં હજી રહેવું છે

ચાહકોના પડખામાં હજી રહેવું છે

 

બરબાદી હજી પુરી થઈ નથી મારી

વિષ્વાસની દુનિયામાં હજી રહેવું છે.