છોડવું નથી__ ભગવતી કુમાર શર્મા

 

 

છોડવું નથી__ ભગવતી કુમાર શર્મા

 

આખું ભલે હો ગામ અભણ છોડવું નથી.

શબ્દો વહેંચવાનું વલણ છોડવું નથી.

 

રેતીનું ભીનું  ભીનું કળણ છોડવું નથી.

મૃગજળના ડરથી મારે આ રણ છોડવું નથી.

 

છેલ્લી ઘડીનું મારે નથી છોડવું શરણ,

આવ્યું છે હોંશથી તો મરણ છોડવું નથી.

 

કોને ખબર કે ક્યારે ફરી સૂર્ય ઉગશે?

સંધ્યાનું છેલ્લું ઝાંખું કિરણ છોડવું નથી.

 

તૃષ્ણા મિલન_વિરહની હવે ક્યાં કશી રહી?

હા,અંત લગ આ નામ શરણ છોડવું નથી.

(‘શહીદે ગઝલ’ માર્ચ_.મે2008 ના સૌજન્યથી)