કવિતા ન કરવા વિશે કવિતા_ જયંત પાઠક

કવિતા ન કરવા વિશે કવિતા_ જયંત પાઠક

કવિતા કરવાનું બંધ કરીએ તો શું થાય ?

સરોવરો સુકાઈ જાય ?

નદીઓ વહેતી થંભી જાય ?

ડુંગરા ડોલી ઊઠે ?

ઘાસ ઉગતું બંધ થઈ જાય ?

ના,ના,એવું તો ના થાય-

પણ….પછી

જલપરીઓ છાની માની

ઝીણાં પવનવસ્ત્રો ઉતારી

જલક્રિડા કરવા ના આવે;

ડુંગરા વાદળની પાંખો પહેરીને

ઊડી ના શકે;

શ્વાસને આંસુનાં ફૂલ ના ફૂટે,

પૃથવી ગોળ ગોળ ફરે

પણ ઠેરની ઠેર રહે

અવકાશમાં;

આકાશ ભણી ઉંચે ના જાય.

કવિતા કરવાનું બંધ કરીએ તો

આમ તો કશું ના થાય

એટલે કશું થાયજ નહીં !