વર્ષો થયાં_ અહમદ મકરાણી

આવકારું હું  બધાને પ્રેમથી અહીં

દ્વાર થઇ ખુલી જવું એવું કશું બને

 

 અહમદ મકરાણી

 

 

 

વર્ષો થયાં_ અહમદ મકરાણી

 

દીવડો પેટાવતાં વર્ષો થયાં

ઓરડો અજવાળતાં વર્ષો થયાં

 

દક્ષિણા તો ક્યારની આપી દઉં

પણ અંગૂઠો કાપતાં વર્ષો થયાં

 

હું મને પણ ક્યાં હજી માપી શકું

કોઇનું કદ માપતાં વર્ષો થયાં

 

આયનાના જંગલે ભૂલો પડ્યો

એક કેડી શોધતાં વર્ષો થયાં

 

લાખ યુગોથી અહીં જીવું ભલે

એક પળને જીવતાં વર્ષો થયાં