દિલથી જિગર સુધી __મરીઝ

 

 

 

રસ્તાની કોઇ ચીજ ન આવી નઝર સુધી

મેં તારી રાહ જોઇ છે તારાજ ઘર સુધી

 

આ તારા ઠંડા સ્વાસ અને મારી યાદમાં

એક ઝાર જેવું લાગે છે દિલથી  જીગર સુધી

 

કોઇને રાખ પ્યારી છે મારી કોઇને  ખાક,

ચિતા સુધી કોઇ છે કોઇ છે કબર સુધી

 

કરીએં  જો હમણા યાદ તો આવે ન યાદ એ

જે જે અમારા ભેદ રહ્યા નામાબર સુધી

 

મળતા રહ્યા છે અમને કદરદાન પ્રેમના

પણ આહ પ્રેમ તે જે રહ્યો બે કદર સુધી

 

પાલવમાં તારા દીઠી મેં ઉષાની રંગતો

સંધ્યાની  લાલી જોઉં છું તારા અધર સુધી

 

પાછળ ફરીને જોયું બસ એ ભૂલ થઇ ‘મરીઝ‘

નહીંતર હું પહોંચી જાત બરાબર શિખર સુધી