સહી કરી દીધી _ અશરફ ડબાવાલા
વગડતે ઢોલ ને ઉભી બજારે સહી કરી દીધી
જખમના લાગની નીચે કટારે સહી કરે દીધી
મને સપનાઓ ભેગા થઇ મનાવ્યો જીવવા માટે
ઘણી મેં ના ભણી રાતે સવારે સહી કરી દીધી
ગઝલ લખવાની રજા જ્યારે સંકોચથી માંગી
કળાએ સ્મિત કર્યું ને વિચારે સહી કરી દીધી
મેં જેવો શ્વાસ છોડયો ને બધુંય થઇ ગયું થાળે
હવાએ ભીનું સંકેલ્યું, મઝારે સહી કરી દીધી
તમે લઇ પ્રેમનો ખરડો ફર્યા’તા ગામ આખામાં
અભણ એકજ હતો’અશરફ’ હજારે સહી કરી દીધી
(સુરાલય_ 16)
Posted in ગઝલ | Tags: Ashraf Dabawala, ગઝલ, સહી કરી દીધી _ અશરફ ડબ
bazmewafa