જન્મદિને બુકે__રતિલાલ અનિલ
બુકે=પૂષ્પ ગૂચ્છ
નઝમ
થોકે થોકે સ્મરણો જાગ્યા,
થર પર થર,આખાં ઊથલાવ્યા,
સામાને, ખુદને પડકાર્યા,
હાર્યાં,જીત્યાં,જીત્યાં હાર્યા
સિમતો સાથે આંસુ લાવ્યાં,
જિલેટીનનું બખ્તર પહેરી ફૂલો આવ્યાં !
શરમાયો,ખૂબજ શરમાયો,
જરઠ જીભે શો ફાગણ ગાયો!
ગાંડા કાઢ્યાં,હરખ્યો દા’યો,
કિરણ કિરણ પર શ્યામલ છાયો.
કેવા કેવા પડઘા લાવ્યા,
જિલેટીનનું બખ્તર પહેરી ફૂલો આવ્યાં !
છૂટે ન એવી ‘લાંઠ પડી છે,
એંસી એંસી ગાંઠ પડી છે,
ઊર્મિઓ બહુ લડી,રડી છે,
ક્ષણો શું,જાને દીવાસળી છે!
ઊમટી ઊમટી વાદળ આવ્યાં !
જિલેટીનનું બખ્તર પહેરી ફૂલો આવ્યાં !
એકલતાના લાંબા દિવસ,
’હરિ ! હરિ’નો ઓહ જીવનર
કાળે પથરે સોનાનો કસ!
રસ જ નહિ ત્યાં કેવો અપરસ!
ડમગતા પગ અંગદ લાગ્યા,
જિલેટીનનું બખ્તર પહેરી ફૂલો આવ્યાં !
બખ્તર કેવું અપારદર્શક!
પૂષ્પો તો જાણે કે આશક!
ભેટ બનીને ઓરાં આવે!
સુગંધ રાખે નિજની પાસ!
ઝરણાં ખુદ લાવરસ લાવ્યાં,
જિલેટીનનું બખ્તર પહેરી ફૂલો આવ્યાં !
(અલવિદા_86)
bazmewafa
