આંખોનો ખ્વાબ શું છે?_અદી મીર્ઝાં
જીવનનું સત્ય શું છે,આંખોના ખ્વાબ શું છે ?
બોલો આ જિંદગીનો સાચો જવાબ શું છે?
દુ:ખની ગણતરીમાં તો દિવસો વહી જવાના,
પૂછો તો હમણાં કહી દઉં સુખનો હિસાબ શું છે?
દુ:ખના તો ચાર દિવસો પી પીને વિતાવ્યા,
કોઇ મને બતાવે એમાં ખરાબ શું છે ?
વર્ષોથી આપણે તો જોઇ નથી બહારો,
ચાલ આવ જોઇ લઇએં ખીલતું ગુલાબ શું છે?
જીવન ગયું છે એમાં તો પણ ન જાણ્યું સાકી,
મયખાનું તારું શું છે,તારો શરાબ શું છે ?
છોડી અદી હવેતો એની ગલીનાં ફેરા,
ઘડપણમાં આવી હરકત ? તૌબા જનાબ શું છે ?
Posted in Uncategorized | Tags: આંખોનો ખ્વાબ શું છે?_
bazmewafa