કબૂતરનું મિસાઈલ
4_હઝલ
જીવ પર આવી ગયાનો ખેલ છે,
વાત આ કંઈ એટલી વણસેલ છે,
તાપમાં પીગળીને રેલો થઈ જશે,
કંઈ નથી બસ મીણનો એક મહેલ છે.
સંતની સાથે અટકચાળા ન કર,
આ મુલક પણ કેટલો વંઠેલ છે.
ચૂપ રહેવું બબ્બે મોઢે બોલવું,
આ બધી વાતોમાં એ કાબેલ છે.
જે રીતે દુનિયા આછોવાનાં કરે,
એમ લાગે દેવનો દીધેલ છે.
આમ જો પૂછો તો છાંટોય નથી,
આમ જો પૂછો તો રેલમ છેલ છે.
લ્યો કબૂતરનું મિસાઈલ થઈ ગયું,
આ અમેરિકા ય મહંમદ છેલ છે.
__ અદમ ટંકારવી
(ન્યુજર્સી 15-8=1999)
(અમેરિકા રંગ ડોલરિયો _145)
Posted in હઝલ
bazmewafa