યાદ ભુંસાતી રહી કે હુઁ_ ખબર પડતી નથી
જ્યોત બુઝાતી રહી કે હુઁ_ ખબર પડતી નથી
હુઁ થયો ભરચક ફૂલોની સાવ વચ્ચે પસાર,
મ્હેક વીઁધાતી રહી કે હુઁ_ ખબર પડતી નથી
કૈઁ યુગોથીછુઁ સફરમાઁ તોયે પહોઁચાયુઁ નહીઁ,
કેડી રોકાતી રહી કે હુઁ_ ખબર પડતી નથી
કયાઁ હવે પળને લીલીછમ રાખનારા આંસુઓ,
આંખ્ સુકાતી રહી કે હુઁ_ ખબર પડતી નથી
એક લક્કડખોદ ઘસતો ચાંચ સૂની સાંજ પર
ડાળ છોલાતી રહી કે હુઁ_ ખબર પડતી નથી
_મનોજ ખંડેરિયા
આપના પ્રતિભાવ